Шифрлау оқиғалары тізімін қарау

Kaspersky Endpoint Security for Windows құрылғыларындағы деректерді шифрлау немесе шифрсыздау тапсырмаларын орындау барысында Kaspersky Security Center бағдарламасына келесі типтегі оқиғалар туралы ақпарат жібереді:

• дискідегі орынның жетіспеушілігіне байланысты файлды шифрлау немесе шифрсыздау немесе шифрланған мұрағат жасау мүмкін емес;
• лицензиямен байланысты мәселелерге байланысты файлды шифрлау немесе шифрсыздау немесе шифрланған мұрағат жасау мүмкін емес;
• қатынасу құқықтарының болмауына байланысты файлды шифрлау немесе шифрсыздау немесе шифрланған мұрағат жасау мүмкін емес;
• бағдарламаға шифрланған файлға қатынасуға тыйым салынған;
• белгісіз қателер.

Құрылғыларда деректерді шифрлау кезінде туындаған оқиғалар тізімін қарап шығу үшін:

1. Басқару сервері консолі ағашында Деректерді шифрлау және қорғау қалтасын таңдаңыз.
2. Келесі тәсілдердің бірімен шифрлау кезінде орын алған оқиғалар тізіміне өтіңіз:
   • Қателер тізіміне өту сілтемесі бойынша Деректерді шифрлау қателері бөліміне өтіңіз.
   • Консоль ағашында Шифрланған құрылғы қалтасын таңдаңыз.

Нәтижесінде, жұмыс аймағында құрылғылардағы деректерді шифрлау кезінде туындаған мәселелер туралы ақпарат беріледі.

Шифрлау оқиғаларының тізімімен келесі әрекеттерді орындауға болады:

• жазбаларды кез келген бағандағы деректердің өсуі немесе азаюы бойынша сұрыптау;
• жазбалар бойынша жылдам іздеу (кез келген тізім өрісіндегі ішкі жолға сәйкес мәтіндік сәйкестік бойынша);
• құрылған оқиғалар тізімін мәтіндік файлға экспорттау.

Консоль ағашында Деректерді шифрлау және қорғау қалтасының болуы немесе болмауы Деректерді шифрлау және қорғау тарапынан анықталады.

Басына оралу